Plantun de Prouvènço

Pèr coumpara dos planto d'encò nostre

Lemna trisulca & Helictochloa versicolor

Lentiho-d'aigo(-en-crous)

Lemna trisulca

Araceae Lemnaceae

Àutri noum : Lentihoun, Nadoun, Pampaieto, Tirounado.

Nom en français : Lenticule à trois lobes.

Descripcioun :
Aquesto lentiho-d'aigo que se vèi soulamen dins li canau de la valado dóu Rose e di plano de coustiero, trachis en coulounìo gaire sarrado e souvènt entre dos aigo. Pòu pas engana emé si "fueio" en crous que i'a rèn que ié sèmblo. Li foundo peréu soun bijarro qu'an coume de pecou que tenon sus rèn.

Usanço :
Li lentiho-d'aigo se manjon à la sartan coume un liume. En Poulougno, fin qu'à la debuto dóu siècle XXen, èron boulido e pièi cuecho emé de burre o de crèmo emé d'iòu.

Port : Erbo
Taio : 6 à 12 mm
Fueio : basalo
Tipe bioulougico : Idroufite
Cicle bioulougico : Planto renadivo

Gènre : Lemna
Famiho : Araceae
Famiho classico : Lemnaceae

Ordre : Alismatales

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Jun à setèmbre

Liò : Aigo - Ribiero
Estànci : Mesoumediterran
Couroulougi : Subrecousmoupoulito
Ref. sc. : Lemna trisulca L., 1753

Civadoun(-mascariha)

Helictochloa versicolor

Poaceae Graminaceae

Nom en français : Avoine bigarrée.

Descripcioun :
Aquest civadoun, trachis dins li pelouso e roucas de mountagno. Se recounèis à sa paumo (paniculo) courteto (< 7 cm) e mascarihado de verd, brun, vióulet e de jaune. S'atrovo, en generau, uno souleto espigueto pèr nous. La subsp., presentado eici, que ié dison versicolor, vèn dins li sòu séusous coume li relarg à rousage e pulèu dins lou nord dis Aup.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 40 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Helictochloa
Famiho : Poaceae
Famiho classico : Graminaceae

Ordre : Poales

Coulour de la flour : Vióuleto
Petalo : ges
Ø (o loungour) enflourejado : 5 à 7 cm
Flourido : Estiéu

Sòu : Si
Autour basso e auto : 1700 à 3000 m
Aparado : Noun
Juliet à avoust

Liò : Pelouso - Roucas - Relarg à rousage
Estànci : Subaupen à Aupen
Couroulougi : Ouroufito-Sud-Éuroupenco
Ref. sc. : Helictochloa versicolor (Vill.) Romero Zarco, 2011 (= Avenula versicolor (Vill.) Laínz, 1974 = Avena versicolor Vill., 1779 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Lemna trisulca & Helictochloa versicolor

ges

Coumpara Lentiho-d'aigo(-en-crous) emé uno autro planto

Coumpara Civadoun(-mascariha) emé uno autro planto